gipuzkoakultura.net
Idazle gutxi da Pushkinek Errusian izandako eragina bere herrian izan duenik. Shakespeare eta Cervantes, salbu.
Pushkin (1799-1837) eta Errusia, elkarri loturik daude, idia eta uztarria bezala. Pushkinek, saiatu arren, ez zuen sekula Errusiaren zama gainetik kentzea lortu, hil arte eraman zuen gainean, kondena bat bezala.
Kondenara, ordea, ohitu egiten da; eta idazleak bere kondenatik kondenatu duen herria ederragotzen saiatzen da. Oso errusiarra da, bestalde halako lilura edo edermina.
Malenkoniak jotako herria baita errusiar herria, gurea bezainbeste.
Errusiari buruz ditugun ideia eta topiko asko, mito bihurtuak askotan, Pyushkinen zorretan daude. Berak jantzi baitzion soinekoa lehendik sortu eta mendeetan zehar beste idazlek landutako irudiei. Pushkinen ondoren benetako Errusia Pushkinen liburuetakoa da.
Horrek egiten du idazle bat haundi.
Horregatik daude loreak beti Pushkinen hilobian.
